بصوا من الاخر انا هحكى حكاية نونة وقزعة وزئنونة
الموضوع ومافيه طالب هندسة مسحول فى تسليمات ومشاريع بتعدى السنة ورا التانية بزق الرجل نفسه يخلص ويفك من ام الكلية التيت....لكن فجاة تحصل طفرة الطبيعة ههههههه تخيلوا رغم انها طفرة فردية مصابتش حد غيره الا انها برده سببها موضوع مهم و باذن الله لو فضلنا زى مااحنا كدةالطفرة هتبقى جماعية وافظع ...المهم عشان مرغيش وانا بزهق بسرعة يااختشى واخويا والله
المهم انا وانا فى هندسة وعمارة بالذات كنت بتمنى اللحظة اللى اخد فيها البكارليوس واخلص وافك من ام الكلية التيت
الدراسة بقى مملة ومقرفة وعحيبة ومفييش اى شىء يشجع فيه
ولا مواد مدنى بقى والفشل الزريع فيها ومقوللكوش عليها بقى تييييييييييييت
بس الحقيقة الطفرة حصلت فى السنة اللى كنت بستناهاعلى احر من الجمر سنة البكارليوس
بجد وبامانة تخيلوااتمنيت انى ارجع اولى تانى عشان ابدامن تانى بشكل جديد
اصل القصة بقى ان التغير المناخى على عكس ماهيعمل فى كل البشر عمل فيا
انتو هيظبطكوا ياجماعة والله هتتحروا وتجوعوا وتمواتوا وتنقرضوا
وانا بقى واعوذ بالله من كلمة انا بيعمل معايا العكس بيدنى حافز كبير جدا انى انتعش واحب الكلية وابدا معاها صفحة جديدة لدرجة انى اتمنى ارجع اولى تانى تخيلوا
هههههههههه طبعاحاسين ان اللى بتكتبه ده عته
بس خلينا اجيب الحكاية من الاول
معلش برغى كتير اوى اصلى مطبقة ومنمتش ودى خلاصة كل حاجة من التطبيق
القصة انى درست من اولى عمارة تصميم بيئى ودى عشان منخنقش على الناس مادة بندرسها تقولنا ازاى نعمل تقسيمات (بلاش تصميمات) المبنى من جوة بحيث انها تكون صديقة لليئة(اية ياستى دة)اقوللك يا سيدى صديقة للبيئة يعنى نعمل مبنى بيستفيد من الطبيعة جدا اللى حوالية وبتكيف معاه وبيبقى اخر انسجام وألسطة وبدون تكاليف ككتير (اظن كدة قشطة وفل ..ركز بقى الله يكرمك اصل اللى ججاى مهم)
المهم فى تالتة درست تخطيط بيئى وكنت فى المادة لوحدى
وفيها درست ازاى نقسم المدن والقرى والاحياء بقى يعنى بمعنى ابسط المساحات الاكبر بصورة برده تكون فيها مستفيدة بكل عناصر الطبيعة ومصاحبها وممصلحة معاها كمان
وفى رابعة درسنا تخطيط اقليى واستدامة يعنى نخطط مساحات اكبر بكتير من المدينة يعنى قول كام محافظة مع بعضهم وانميهم واطورهم واظبطهم وأئمشهم لا وشوف الرواقان بقى كمان نعمل كدة للمستقبل لولادنا وولاد ولادنا واللى بعدهم ياحالولى (الكلام سهل اوى لكن صدقنى الفعل صعب جدا وعاوزينك معانا)
المهم دة كله انا برغى وموصلتكوش لمربط الفرس
دكتور احمد عندنا اول واحد كلمنا عن الايكو سيستم ((ياستى اتكلمى عربى)) عنيا الاتنين ايكو سيستم دة كلمة مقصود بيها التوازن بين البيئة والمجتمع والاقتصاد
يعنى من الاخر الدكتور احمد ربنا يكرمه يارب ربانا من زمان على ان عنصر البيئة اهم عنصر
وفضل معانا الموضوع ماشى لحد بكارليوس
لحد مامؤسسة لطيفة اوى عملت ورشة عمل مع مكتبة اسكندرية عن التغير المناخى
اوبس دى لعبتنا يامعلم((ايه الغرور دة!...))ياسيدى مشيها غرور بس خدنى على قد عقلى وركز معايا
اشتركناانا وزميل ليا فى الكلية وررحنا الورشة وعملنا نشاطات كتير واستفدنا كتير جدا منها بس على اد ما دة كله حصل على اد ماالصورة كانت سودة فى عنينا اخر حاجة اصل البلوى كبيرة اكبر مما تخيلنا وقرينا عنها كمان تقارير بقى واحصاءات ومؤشرات وافلام وقصص طويلة عرفتنا اد ايه الانسان افترى على الارض وخربها..
بس فضل فيه امل وهو اللى خلنا نكتب هنا ونعمل دة
الصورة سودا لكن فيه امل
ايوة فية امل
نفسى اوعى كل الناس خدوا بالكوا من بيئتكوا عشان عيالكوا وعشانكوا
ونكمل بقى بعدين اصل دة وقت الغدا فى الورشة
باباى .....
ليست هناك تعليقات:
إرسال تعليق